Menya imiterere yawe n’imitekerereze bikuranga bitewe n’uburyo uryamamo-eachamps.rw

Menya imiterere yawe n’imitekerereze bikuranga bitewe n’uburyo uryamamo

www.eachamps.rw

Buri muntu usanga hari imyitwarire imuranga adaha agaciro yewe n’abamuzengurutse bikaba uko nyamara iyo myitwarire ifite igisobanuro gikomeye dore ko abahanga mu by’imigirire n’imitekerereze ya muntu bahamya ko nta kintu na kimwe wakora kidafite igisobanuro ku buzima bwawe bwite.

Imwe muri iyi myitwarire ni uburyo umuntu aryamamo aho bishobora kugaragariza abo babana ibyo atekereza cyangwa se n’imiterereze ye muri rusange. Muri iyi nkuru  turababwira bumwe mu buryo umuntu yaryamamo n’icyo biba bisobanuye mu miterere ye.

1.Uryamira urubavu

Ubundi umuntu uryamira urubavu aba ari umuntu ukunda gutekereza kuri buri kintu cyose kandi ashaka impinduka no gutera imbere uko bwije n’uko bukeye. Gusa na none burya iyo waryamiye urubavu rw’iburyo n’urw’ibumoso nabyo ntibihura. Iyo waryamiye urubavu rw’ibumoso biba bigaragaza ko muri icyo gihe mu mutwe uhuze cyane hari ikintu ukeneye guhindura byanze bikunze naho iyo waryamiye urw’iburyo uba usa n’unyuzwe n’imbaraga urimo gukoresha muri icyo gihe.

2.Uryama agaramye asobekeranije amaguru

Uburyo bwo kuryama ugaramye bugaragaza ko ufite ubwonko bukora neza uko ubyifuza. Bigaragaza kandi ko ibitekerezo byihuta cyane muri wowe. Uba ufite ubwonko butekereza kure. Gusa nabwo hari uko bigenda bitandukana. Iyo uryama ukuguru kw’ibumoso kugeretse hejuru y’ukw’iburyo biba bivuze ko ufite icyizere cy’imbere hazaza ko utihebye cyane. Mu guhe iyo ushyize ukuguru kw’iburyo hejuru y’ukw’ibumoso bikaba bishatse kuvuga ko ukeneye kwiyongerera icyizere.

3.Kuryama wiseguye ikiganza

Iyo wiseguye ikiganza ku itama ry’iburyo biba bitandukanye n’uwiseguye ku itama ry’ibumoso. Ku itama ry’ibumoso biba bishatse kuvuga ko ukeneye kwitabwaho no kugaragarizwa urukundo. Muri wowe haba harimo icyifuzo ngo “Icyampa umuntu unyishimiye akampobera ankomeje.” Ku itama ry’iburyo byo biba bigaragaza ko uri umuntu ugira ingufu cyane ndetse ko udashobora gupfa gucibwa intege n’ibyo ubona buri munsi.

4.Kuryama ugaramye, amaboko ari ku nda.

Kuryama muri ubu buryo bigaragaza ko uri umuntu ugira ibitekerezo byagutse ndetse ushaka guhorana impinduka mu buzima. Uhorana imbaraga zo gukora no kumva wahora utera imbere.

5.Kuryama ugaramye, wiseguye amaboko asobekeranije

Ibi bigaragaza ko muri wowe hari byinshi ushobora kuba utizeye kandi ukora cyane. Bigaragaza ariko kandi ko ushaka kongera ubushishozi n’ubwitonzi mubyo ukora muri icyo gihe.

6.Kuryama wubitse inda.

Kuryama wubitse inda bisobanura ko ufite ibitekerezo byinshi bikurwanira mu mutima buri munsi. Ibi bikunze kugaragara cyane ku ngimbi n’abangavu batabasha kugenga amarangamutima yabo. Ku muntu mukuru rero ibi bigaragaza ko akoresha ingufu nyinshi ngo ahishe umubabaro ukomeye cyangwa se n’ibyishimo bikabije byaba biri muri we.

8 months ago | by Rukundo Patrick

Leave a Comment:

Comments(11):

Iriza 3 weeks ago

Yewe nibyo pe aba bantu nabahanga kuko njyewe nisanze muri 3,7

reply(0)

Nkotanyi fidele 3 months ago

nibyope nanjye bimbaho murabahanga nibyiza kutubwiraku buzima bwacu.

reply(0)

kwizera Janvier 3 months ago

murabahanga pe birashoboka rwose !

reply(0)

Nkurunziza Fred 4 months ago

Nibyo Kabisa.Muzatubwire Nokuryama Uzamuye Amavi Ariko Nyine Ugaramye Mbese Nyine Urwamishije Umugongo.

reply(0)

George Niyingabira 5 months ago

Ibi nivyo kabis nciye menya nanje ukuntu nteye. thanks

reply(0)

BITUNGURAMYE jean claude 5 months ago

niryamira muri 1 na 2 niho ibyange byibereye gusa , kdi nkeneye updates nyinshi mubuzima bwanjye kbs !!

reply(0)

SHUKURU Jean 5 months ago

6 niho nisanze cyane arko hose nagiye nisangamo bishatse gusobanura iki?rn10x

reply(0)

kayitare 6 months ago

ibisobanuro byose nsabyemeye kbx thank u!!

reply(0)

Sindayigaya peter 8 months ago

Nonese nk'umuntu bikunda kubaho byose byobishatse gusigura iki.

reply(0)

Ababu Patrick 8 months ago

Ubu Menye Uwo Ndiwe! Thx

reply(0)

You May Also Like

Loading...

Join our Newsletter