Ibirwa bya Zanzibari byihanije Amavubi muri CECAFA-eachamps.rw

Ibirwa bya Zanzibari byihanije Amavubi muri CECAFA

www.eachamps.rw

Umukino wahuzaga u Rwanda na Zanzibar muri CECAFA, ukaba umukino wa kabiri ku ruhande rw'u Rwanda rutsinzwe na Zanzibar ibitego 3-1, amahirwe yo kugera muri 1/2 cy'iri rushanwa arayoyoka.

Ni umukino watangiye ubona amakipe yombi nta bintu bikanganye arimo gukina, ariko agacishamo agasatirana, gusa na none ikipe y'igihugu ya Zanzibar yari irimo kubonana kurusha abasore b'Amavubi.

Uku kubonana kwabo kwaje no kuvamo makosa mato mato y'abasoe b'u Rwanda , aho ku munota wa 34 Mudathir Yahya, yisanga ahagaze hagati ya Sefu na Maninishimwe Emmanuel  mu rubuga rw'amahina maze umupira wari uturutse ku ruhande rw'iburyo awushyira ku mutwe nta n'umwegereye, nta kindi  umuzamu Kimenyi Yves yakoze uretse gukura umupira mu rushundura.

Amavubi yakomeje gushaka uburyo yishyura ariko biranga maze igice cya mbere kirangira ari 1-0.

Muri iki gice Zanzibar yagerageje amashoti 3 yagiye mu izamu ni mu gihe u Rwanda ari rimwe. Amashoti yagiye hanze y'izamu buri kipe yabonye 2, u Rwanda rwabonye koruneri imwe mu gihe Zanzibar nta n'imwe yabonye.

U Rwanda ni rwo rwakoze amakosa menshi aho rwakoze 9 ku 8 ya Zanzibar, u Rwanda rwaraririye inshuro 4 mu gihe Zanzibar nta na rimwe.

Ku byerekeye amakarita Zanzibar yabonye umuhondo umwe naho u Rwanda ntayo rwabonye. Nta kipe yigeze ibona ikarita itukura. Guhererekanya umupira Zanzibar yari ifite 55 kuri 45 y'u Rwanda.

Igice cya kabiri cyatangiranye impinduka ku ruhande rw'u Rwanda, Nshuti Innocent aha umwanya Mico Justin, Biramahire Abeddy asimbura Sekamana Maxime.

Ku munota wa 46 ku kazi gakomeye Kari gakozwe na Hakizimana Muhadjiri, yatanze umupira kuri Abbedy nawe ashaka gushota ariko umupira uca imbere y'izamu usanga Muhadjiri wari wakurikiye ahita arangiriza mu izamu biba 1-1.

Ku munota wa 52 Mohammed Juma yaboneye Zanzibar igitego cya kabiri, nyuma yo kutumvukana mu binyuma b'u Rwanda ateye ishoti Maninshimwe Emmanuel  agerageza kuryama ngo awukureho umukoraho ugenda ugana mu izamu usanga Kimenyi nawe yari yaryamye kuwukuramo biranga ubundi umupira ugana mu izamu.

Djabel yaje gusimbura Sefu maze u Rwanda rukomeza gushaka uburyo rwakwishyura ariko biranga.

Ku munota wa 86 Kassim Khamis, yaboneye Zanzibar igitego cya 3 kuri contre attack, maze Khamis acenga Manishimwe Emmanuel umupira awuboneza mu izamu. Umukino waje kurangira ari 3-1.

Muri uyu mukino wose Zanzibar yagerageje amashoti 5 yagiye mu izamu ni mu gihe u Rwanda ari 4. Amashoti yagiye hanze y'izamu buri kipe yabonye 3, u Rwanda rwabonye koruneri 2 mu gihe Zanzibar  yabonye 2. U Rwanda nirwo rwakoreweho amakosa menshi aho rwakoreweho 18 rukora 11.

U Rwanda rwaraririye inshuro 5 mu gihe Zanzibar ari rimwe, ku byerekeye amakarita Zanzibar yabonye umuhondo umwe naho u Rwanda narwo rubona 1. Nta kipe yigeze ibona ikarita itukura. Guhererekanya umupira Zanzibar yari ifite 57 kuri 43 y'u Rwanda.

Kugira ngo u Rwanda rukomeza muri 1/2 bisa nkaho bigoranye kuko bisaba ko u Rwanda rutsinda imikino 2 isigaye ya Libya na Tanzania kandi ntihagire ikipe irenza amanota 6 muri ay, bikanasaba ko Kenya na Zanzibar nazo zitageza amanota 6.

Canisius Kagabo

1 week ago | by Eachamps

Leave a Comment:

Comments(4):

Rutura: 1 week ago

Ubwose hose ntitwari tuhakeneye umusaruro?

reply(0)

Innocent 1 week ago

Amavubi yihangane

reply(0)

ALEXIS 1 week ago

yoo amavubi dukunda bihangane nanjye numiwe gusa turababaye! cyane

reply(0)

Amateur 1 week ago

Ariko koko abakurkkirana neza Amavubi arakurikiranwa, afashwa kwitegura uko bikwiye? Imyaka ibaye myinshi nta kigenda!!!!

reply(0)

You May Also Like

Loading...

Join our Newsletter