Rafiki | eachamps Rwanda
Rafiki
Rafiki
  • 6,685
    Views
  • 39,729
    Plays
  • 42,898
    Downloads

Biography

Rafiki Mazimpaka azwi cyane mu njyana yihariye ya 'Coga Style' ku izina rye ry'ubuhanzi 'Rafiki'. Ni mwene Tuganishuri Rubango na Françoise Balinda, yavutse mu 1984 , avukira muri Repubulika Iharanira Demokarasi ya Congo. Ni uwa mbere mu muryango w’abana batanu, ni Umunyarwanda. Amashuri abanza yayize i Goma muri RD Congo, ayisumbuye ayiga muri CGFK (College George Fox de Kagarama).

 

Yatangiye muzika kera kuko aho yigaga mu mashuri yisumbuye nabaga muri Korali y’ikigo, nyuma mu w’2002 ayivamo ajya mu itsinda ryo kubyina ryitwaga ‘Hot Side’. Muri iyo minsi, nibwo yahuye na Producer Jay P amukorera indirimbo ya mbere yitwa ‘Igipende’ yasohotse mu mpera za 2004, nyuma y'aho haza ‘Igikosi’, n’izindi n'izindi yagiye akora agitangira umuziki zikamwubakira izina mu Rwanda abikesha injyana ye yihariye yitwa "Coga Style" yumvikanamo ururimi rw'Ikinyarwanda ruvugwa na benshi mu batuye mu Majyaruguru y'u Rwanda nk'umwihariko.

 

Iyi njyana ya "Coga" yagereranywa na (Kinyarwanda Dancehall) yaduwe n'uyu muhanzi, bituma bamutazira "Umwami wa Coga Style".

 

Rafiki "Umwami wa Coga Style" yasohoye alubumu ye ya mbere yitwa "Ica Mbere" kuwa 4 Ukwakira 2008, yari igizwe n'indirimbo 12 zose ziririmbwe mu njyana ya Coga yanyuze benshi mu Banyarwanda bitewe n'ubutumwa bwabaga bukubiye mu ndirimbo ze kandi byumvikana ko ari umwimerere we adahuza n'undi muhanzi.

 

Rafiki wakuze akunda injyana ya Reggae na Lumba mu bahanzi yakoranye nabo harimo Miss Jojo, Miss Shanel, Professor Jay, Dr. Jose Chamelone, Washngton, Youth Wave, Dream Boyz n'abandi.

 

Rafiki yabashije gutwara Pama Award (Pan African Music Awards) inshuro ebyiri muri 2007 na 2008 muri Uganda. yitabira irushanwa rya Primus Guma Guma Superstar mu Rwanda mu bihe bitandukanye, anatumirwa mu bitaramo bitandukanye mu Rwanda no mu mahanga nko muri Jamaica, RD Congo, Kenya , Uganda n’ahandi.

Artist Audios

Bariho by Rafiki Bariho

7,357 plays

Ikigunda by Rafiki Ft Ama G The Black Ikigunda

23,940 plays

So Serious by Rafiki ft Mani Martin So Serious

8,432 plays

View All

Artist News

Loading...

Join our Newsletter

© copyright eachamps