Telefone ya Nokia 6 yaciye agahigo ko kugurwa n’abarenga miliyoni mu munota umwe igisohoka-eachamps.rw

Telefone ya Nokia 6 yaciye agahigo ko kugurwa n’abarenga miliyoni mu munota umwe igisohoka

www.eachamps.rw

Telefone nshya yo mu bwoko bwa smartphone ya Nokia 6 yaciye agahigo katarakorwa n’indi telefone muzayibanjirije ko kugurwa n’abarenga miliyoni mu munota umwe gusa nyuma yaho igiriye ku isoko.

Ibi bibaye mu gihe uruganda rwa Nokia rwasheshe amasezerano rwari rufitanye na Microsoft yayikoreraga telefone za windows Phone. Ubu bubasha bwahise buhabwa kompanyi yo mu Bushinwa yitwa HMD Global ari nayo yakoze iyi telefone ya Nokia 6.

Nokia 6 niyo telefone ya mbere yo mu bwoko bwa Nokia igiye ku isoko ikoresha Android, mu igeregeza ryakozwe hagirango harebwe niba izakirwa neza n’abakiliya basanzwe bakunda telefone za Nokia, HMD Global yatangiye kuzigurishiriza mu bushinwa.

Abegera kuri miliyoni imwe n’ibihumbi 300 nibo biyandikishije ku rubuga rwa JD.com rwo mu bushinwa ruri kugurishirizwaho ino telefone, aba bose biyandikishije itarajya ku isoko.

Igisohoka abarenga miliyoni bahise bayibikaho mu munota umwe gusa ihita ica agahigo ko kuba ariyo telefone yaguzwe n’abantu benshi mu gihe gito cyane.

Nokia 6 ni telefone ikoresha Android ifite ububiko bungana na 16 GB, Ram ya 4GB ikagira na kamera y’inyuma ifite Megapixels 16 niy’imbere ifite megapixels 8.

HMD Global yakoze iyi telefone yatangaje ko nyuma yo kubona ko iyi telefone yakiriwe neza n’abakiliya ba Nokia kuko amakopi yasohoye yayagurishirije mu Bushinwa nayo agahita ashira mu bubiko ubu bagiye kuzikora ku bwinshi ku buryo mu minsi ya vuba iyi telefone iri butangire gucuruzwa ku isi hose.

4 years ago | by Uwizeye Fidele

Post Comment

You May Also Like

Loading...

Join our Newsletter