KWIBUKA25: Ubuzima bwa Sebanani André wafunzwe yitwa icyitso cy’Inkotanyi, akaza no kwicwa muri Jenoside yakorewe Abatutsi mu 1994-eachamps.rw

KWIBUKA25: Ubuzima bwa Sebanani André wafunzwe yitwa icyitso cy’Inkotanyi, akaza no kwicwa muri Jenoside yakorewe Abatutsi mu 1994

www.eachamps.rw

Umuhanzi, umunyamakuru, umwanditsi w’amakinamico akaba n’umwe mu bakinnye muri  menshi yakunzwe kuri radio Rwanda mu itorero Indamutsa rya Orinfor ni umwe mu bagize uruhare rukomeye mu kuzamura muzika Nyarwanda, muri Jenoside yakorewe Abatutsi 1994 yishwe byagashinyaguro.

Nyakwigendera Sebanani André wishwe muri Jenoside yakorewe Abatutsi mu 1994 yari yaravutse mu 1952, avukira mu cyahoze ari Komini Kigoma Perefegitura ya Gitarama, ubu akaba ari mu arere ka Nyanza, Intara y’Amajyepfo.

Amashuri yisumbuye yayize i Shyogwe nyuma aza gukomereza muri “Collège Officiel de Kigali: COK” gusa  yaje kwirukanwa mu ishuri   ajya gukora ubucungamari muri TRAFIPRO i Kabgayi.

Nyakwigendera Sebanani yaje gukora kuri Radiyo Rwanda muri gahunda  ya “Discothèque-Phonotèque” ya Radiyo Rwanda,  akora muri gahunda yari ijyanye n’urwenya “Ubuvanganzo bw’umwimerere nyarwanda”,  kandi  yari umukinnyi w’ikinamico mu itorero “Indamutsa”.

Yamenyekanye cyane mu ikinamico  zitandukanye yakinanye ubuhanga n’ubu izo kinamico abantu baracyazikunda.  Zimwe mu  ikinamico azwimo  ni iyitwa “Nzashira ingurugunzu nkiri ingagi”; “Icyanzu cy’Imana (Uwera)”, n’izindi.

Yari yarashakanye na Mukamulisa Anne Marie tariki 01 Nzeri 1979 babyarana abana bane ari bo, Sheja Eliane wavutse mu 1981, Damarara Diane wavutse mu 1984; Shyengo Frida wavutse mu 1985 na Songa Aristide ari we bucura wavutse mu 1988.

Nyina w’aba bana yari yarabashije kurokoka Jenoside, yaje kwitaba Imana ku ya 21 Nzeri 2015 azize uburwayi bw’umwijima. Ku rundi ruhande kandi abana bo babashije kurokoka baracyariho.

Mu 1990 Sebanani yafunzwe na Leta yariho  mu bo yitaga ibyitso by’Inkotanyi nyuma afunguwe ubuyobozi bwa ORINFOR icyo gihe bwanga kumusubiza mu kazi buvuga ko budakorana n’ibyitso.

Sebanani yari umunyamakuru akaba yari n’umuhanzi wakundwaga cyane kandi indirimbo ze n’ubu ziracyakundwa n’abatari bake.

Indirimbo yitwa  “Urabaruta”, “Karimi ka shyari”, “Zuba ryanjye”, “Urwo ngukunda ni kimeza”, “Mama Munyana”, “Susuruka yaririmbanye  n’uwo bari barashakanye, “Nkumbuye umwana twareranywe” n’izindi zinyuranye; ni urwibutso rukomeye yasigiye Abanyarwanda.

Sebanani kandi yari afite impano yo kwicurangira akoresheje ibyuma bya kizungu nka piano, gitari kuvuza ingoma n’ibindi.

Mu 1973 Sebanani  ni bwo yinjiye mu itsinda (orchestre) ryitwaga “Vox Populi” nyuma yaho we  na bagenzi be batangiza orchestre “Impala” irakundwa cyane.

Kuva bashinga iryo tsinda  batangiye   kumuha akabyiniriro ka “ Pépe la  Rose”.

Mu muryango yakomokagamo nta wundi wigeze uba umuhanzi ku buryo umuntu yavuga ko yari afite aho abikomora.

Yari afite ibihangano by’umwimerere we, kandi yibandaga cyane ku buzima busanzwe, kwerekana ibitagenda iyo yabonaga ibintu bizamba mu muryango nyarwanda ndetse  yanaririmbaga  ku rukundo.

Amateka akomeza avuga ko Sebanani akiriho  yakundaga kwegera abana be akabigisha kwanga umugayo n’umushiha nk’uko mu buhanzi bwe habaga higanjemo amagambo yamagana urwango, amatiku, munyangire n’ibindi.

Sebanani yagiraga abantu inama nkuko byumvikana cyane mu butumwa bukubiye mu ndirimbo ye yise “Karimi ka shyari”, aho yakanguriraga abantu kurangwa n’umutima ukunda batababazwa n’ibyiza abandi bagezeho

3 months ago | by Christian Shema

Leave a Comment:

Comments(2):

Nduwayo Claude 2 months ago

Knoless Butera

reply(0)

Niyonzima Elie 3 months ago

Twibuke Twiyubaka

reply(0)

You May Also Like

Loading...

Join our Newsletter