Yannick Gisagara wafashijwe kwivuza Impyiko yitabye Imana-eachamps.rw

Yannick Gisagara wafashijwe kwivuza Impyiko yitabye Imana

www.eachamps.rw

Yannick Gisagara ni umusore wakoze ku mitima ya benshi ubwo hasohokaga inkuru y’uburwayi bwe ndetse abantu batandukanye bitanga uko bashoboye kugira ngo bamufashe avurwe akire, kuri ubu Yannick nta kiri mubazima yitabye Imana ku gicamunsi cyo kuri uyu wa Kane.

Yannick akomoka mu Karere ka Rwamagana mu Murenge wa Kigabiro mu ntara y’Iburasirazuba, yagize ikibazo cy’impyiko zamenetse guhera mu 2016. Ni ikibazo yagize yiga mu mwaka wa kabiri muri IPRC Kigali. Isuzuma yakorewe n’abaganga ryagaragaje ko impyiko zangiritse ku buryo byasabaga ko ajya kuvurirwa mu gihugu cy’Ubuhinde.

Muri Nzeli 2018 ni bwo Leta y’u Rwanda ibinyujije mu kigo cyayo gifasha abantu kwivuriza mu mahanga, yemeye kwishyurira ubuvuzi bwose Yannick azakorerwa asimburizwa impyiko mu Buhinde. Icyo uyu musore yasabwaga kwari ugushaka amafaranga y’urugendo rwe n’ibizamutunga. 

Yasabwaga agera kuri Miliyoni 19 z’amafaranga y’u Rwanda (19.000.000 FRW) angana n’ibihumbi 22000 by’amadolari ya Amerika (22,000 US$) kugira ngo abagwe ashyirwemo indi mpyiko.

Mu ijoro rya tariki 05 Mutarama 2019 ni bwo Gisagara Yannick yafashe rutemikirere ajya kwivuriza mu gihugu cy’u Buhinde mu rugendo yakoranye n’umurwaza witwa Claude ndetse n’umuvandimwe we Nsumbaburanga Innocent wemeye kumuha impyiko

Amaze kugera mu gihugu cy’Ubuhinde ariko Gisagara yaravuwe ntiyakira ndetse abantu benshi ntibabimenya kuko aho agarukiye mu Rwanda abaganga bamurinze abantu benshi bamusuraga kubera ubuzima bwe butari buhagaze neza.

Eachamps yaganiriye n’umwe mu bari barwaje Yannick ku murongo wa Telephone mu ijwi ryuje agahinda atwemerera aya makuru ariko ntiyatubwira igihe bazashyingurira kuko umuryango utaricara ango ubinoze neza

Yagize ati” nibyo koko Yannick yitahiye ni agahinda gakomeye, kuko kwa Kabiri nibwo twavuye mu bitaro Faycal twerekeza mu bitaro bya gisirikare I Kanombe mu giitondo rero nibwo abaganga batubwiye ko byarangiye, nti turamenya umunsi wo gushyingura kuko ntibiranozwa neza”.

Yannick Gisagara yararwaye bikomeye

Aline Gahongayire yaramusuye mu burwayi bwe

Imana Imuhe iruhuko ridashira

3 months ago | by Christian Shema

Leave a Comment:

Comments(2):

Francois Ntakirutiman 3 months ago

RIP

reply(0)

ALINE ISHIMWE 3 months ago

IMANA IMUHE IRUHUKO RIDASHIRA GUSA NAMUKUNDA

reply(1)

You May Also Like

Loading...

Join our Newsletter