Imvano y’umunsi Abanyarwanda bise ‘Gapapu Day’ babikesha indirimbo “Kaberuka ya Orchestre Impala-eachamps.rw

Imvano y’umunsi Abanyarwanda bise ‘Gapapu Day’ babikesha indirimbo “Kaberuka ya Orchestre Impala

www.eachamps.rw

Benshi twakunze indirimbo  ‘Kaberuka’ ivugwamo umusore wajyanye n’inshuti ye yitwaga Kaberuka gusura umukunzi nyamara bagerayo umukobwa akikundira uwo Kaberuka waje aherekeje uwo musore, iyi nkuru bivugwa ko ari mpamo ndetse n’aba bombi bakiriho.

Sebigeri Paul uzwi cyane nka Mimi La Rose ni umuhanzi w’umunyarwanda wamenyekanye cyane muri Orchestre Impala yabayemo kuva yashingwa kugeza n’uyu munsi ari umucuranzi wayo. Mimi La Rose ni umugabo ukuze wavutse mu mwaka w’1954, akaba nta ndirimbo ya Orchestre Impala atazi inkomoko yayo.

Mimi La Rose asobanura ko indirimbo ivugwamo inkuru ya Kaberuka wivuganye Marita, ari inkuru mpamo ivuga uko Kaberuka yaherekeje umusore w’inshuti ye wari ugiye gusura umukunzi we (Fiance) bagerayo uwo mukobwa akikundanira na Kaberuka, kuva ubwo urukundo rwe na Kaberuka rugashinga imizi kugeza babanye nk’umugabo n’umugore.

Mimi La Rose avuga ko umusore wari watwawe umukunzi ari we wababwiye inkuru y’ibyamubayeho akanabasengerera ngo bazabikoremo indirimbo, barayitunganya barayisohora. Gusa ngo n’ubwo Kaberuka uvugwa ari yo mazina ye, Marita ryo ngo ni izina ryahinduwe siryo zina ry’uwo wegukanywe na Kaberuka.

Abenshi mu Rwanda uyu munsi banawuhaye inyito ya ‘Gapapu day’ bagaragaza ko ari umunsi wo kwitondera  mu byerekeye kwerekana abakunzi  babo cyane ko baba begereje umunsi wa St Valenti ufatwa nk’uwabakundana kugira ngo nabo badakorwa nkibyo Kaberuka yakoze inshuti ye.

Kaberuka n’uwo mukunzi we ubu baba muri Rutsiro ariko iby’inkuru y’amateka yabo ntibaba bashaka kuyigarukaho no kwemera kuyivugaho mu itangazamakuru.

1 week ago | by Eachamps

Leave a Comment:

Comments(0):

You May Also Like

Loading...

Join our Newsletter