Uwase Tina ari mu ijonjora rya nyuma rya miss Elite ririkubera muri Poland-eachamps.rw

Uwase Tina ari mu ijonjora rya nyuma rya miss Elite ririkubera muri Poland

www.eachamps.rw

Amajonjora y’amarushanwa ya Miss Elite 2020 asize umunyarwandakazi Tina Uwase ari muri ba Nyampinga 20 ba mbere bagomba guhatanira iri Kamba mu gihugu cy’Ubuholandi.

Aya marushanwa ya Miss Elite 2020 ni ubwa mbere agiye kubera mu gihugu cy’Ubuholandi, aho hitabwa ku bafite ubwenegihugu butandukanye ntawe uhejwe.

Tina Uwase ugeze mu cyiciro cya nyuma cy’aya marushanwa y’ubwiza, yatubwiye byinshi ku byerekeye Miss Elite 2020 iri kubera mu Buholandi.

Tina yagize ati: “Abakemurampaka nibo bahisemo ba Nyampinga babonaga bashoboye gutambuka (Catwalk), bafite ubwenge n’ubwiza ndetse hakaniyongeraho no kureba uburyo ushyigikiwe ku mbuga nkoranyambaga zabo.”

Uwase akomeza avuga ko mu bihembo bazahabwa, hazaba harimo amafaranga ataramenyekana umubare wayo, hakaziyongeraho urugendo rw’icyumweru muri Leta ya Miami aho bazaba bagiye kwifotoza amafoto azakoreshwa mu binyamakuru bikomeye.

Muri ibyo bihembo byose, Tina asobanura ko hazaniyongeraho kontaro y’umwaka wose bamamariza abaterankunga b’iri rushanwa rya Miss Elite 2020.

Uwase Pilot Tina yabaye Miss Supranational mu mwaka wa 2018, ni umwe kandi mu bitabiriye irushanwa rya Top Model AFRIKA mu mwaka wa 2016, kuri ubu yemeza ko ahagaze neza muri aya marushanwa nyuma y’uko hakozwe amajonjora atatu yo guhitamo uzegukana iri Kamba.

Biteganyijwe ko aya marushanwa agomba kuzarangira habonetse uzaba Nyampinga tariki 29 Gashyantare 2020, gutora akaba ari ukujya ku mbuga nkoranyambaga z’iri rushanwa rya Miss Elite 2020, ubundi ugakanda kuri (Likes,comments na Share) ukarushaho kumuha amahirwe yo kwegukana iri Kamba.

1 week ago | by Eachamps

Leave a Comment:

Comments(0):

You May Also Like

Loading...

Join our Newsletter