Serivisi za Airtel Rwanda zahinduriwe amasaha mu rwego rwo gukomeza kwirinda Corona Virus-eachamps.rw

Serivisi za Airtel Rwanda zahinduriwe amasaha mu rwego rwo gukomeza kwirinda Corona Virus

www.eachamps.rw

Mu gihe  u Rwanda  n’isi yose  bahagayikishijwe  n’icyorezo  cya  Corona Virus  Airtel Rwanda yiyemeje gukora ibishoboka byose mu guhangana n’ibibazo byose abakiriya bayo bashobora guhura nabyo muri iki gihe Isi n’u Rwanda by’umwihariko twugarijwe n’iki cyorezo cya Corona virus.

Hagendewe ku mabwiriza yatanzwe n’ibiro bya Minisitiri w’intebe ndetse n’aya RURA agendanye n’ingamba zigamije kubuza Coronavirus gukomeza gukwirakwira mu Rwanda, Airtel Rwanda yiyemeje kugendera muri uwo murongo ishyira mu bikorwa izo ngamba, bityo Umuyobozi mukuru wa Airtel Rwanda asohora itangazo rivuga ko:

1. Amashami yose ya Airtel Rwanda azajya aba afunguye kuva saa mbili za mugitondo (8pm) kugera saa cyenda z’umugoroba(3pm), ariko abakiriya barakangurirwa kwitabaza serivisi bashobora kwiha ubwabo nka Airtel Money, kugura inite ndetse na interineti.

2. Aba agents ba Airtel Rwanda barakomeza gukora nk’ibisanzwe batanga serivisi za ngombwa, aho Airtel Rwanda irimo gukora uko ishoboye ngo aba agents bayo bakomeze gukurikiza gahunda yo gukaraba intoki no gushyira nibura metero imwe hagato yabo n’abakiriya igihe babaha serivisi.

3. Airtel Rwanda irakomeza kugeza ku bakiriya serivisi za Airtel Money hamwe n’izo kwishyura ku mashami yayo, ari nako hakomeza gukurikiza ingamba zashyizweho zo kwisukura.

4. Inyandiko zose ziva ku bafatanyabikorwa n’abakiriya ba Airtel Rwanda zigomba koherezwa kuri aderesi md@rw.Airtel.com kuko inyandiko zo mu ntoki ntizemewe.

Airtel Rwanda kandi ikaba ivuga ko imbaraga zayo mbere na mbere izishyira muri gahunda zigamije umutekano n’imibereho myiza y’abakiriya n’abakozi bayo, bityo bakaba bagerageza gushyiraho uburyo n’ubushobozi bwo kugabanya icyahagarika imirimo.

Ni mu gihe uwakenera ibindi bisobanuro birambuye ashobora kohereza ubutumwa kuri md@rw.Airtel.com, cyangwa akifashisha imbugankoranyambaga za Airtel Rwanda nka Facebook, Twitter n’izindi.

7 months ago | by Christian Shema

Post Comment

You May Also Like

Loading...

Join our Newsletter